Papakura High School

Rangatahi

E mahi tahi ana a Track Zero me te Taurima Toi o Aotearoa ki te āta tuku i ā rātou mahinga toi...

E mahi tahi ana a Track Zero me te Taurima Toi o Aotearoa ki te āta tuku i ā rātou mahinga toi. Ko Track Zero he hunga toi e ngākau nui ana ki toi me te taiao me ngā kōrero mō te āhuarangi (climate) me ōna tini āhuatanga katoa, ā, e whai ana rātou kia tōia mai te hunga taiohi ki runga ki tēnei waka, te waka whakarauora i te taiao.

Neke atu i te kotahi wiki tēnei hunga rangatahi e mahi ana me Track Zero, i wānanga tahi hoki rātou me ngā tohunga pūtaiao pēnei i a Tim Naish rāua ko Tākuta Daniel Hikuroa. Mutu ana te wānanga pūtaiao, ka huri ki te wānanga me ngā tohunga tango whakaahua. A Te Kawa Robb, a Chevron Hassett, rātou ko Te Rāwhitiroa Bosch.

Ko tēnei whakaaturanga toi, he mea whakakōrero i ngā whakaaro o te hunga rangatahi ki te huringa āhuarangi me ōna tini āhuatanga katoa.

E mihi nui ana ki te kura mō rātou i āta manaaki i te kaupapa nei. Me mihi ka tika anō hoki ki te hunga rangatahi, nā rātou tēnei kaupapa i pīkau.

Back to Tamaki Makaurau event page

Photographers

Raymond Sagapolutele

He Ngahere mō Ngā Rākau (i)

He Ngahere mō Ngā Rākau (ii)

He Ngahere mō Ngā Rākau (iii)

Ngahere Taone

“Ka tipu kaha te porihanga i te wā ka whakatō rākau ngā koroua, ahakoa e kore e nōhia e rātou te taumarumarutanga o aua rākau rā.” (He Whakataukī Kirīki)

I te wā e mahana haere ana ngā rā, e huri ana te āhuarangi mai i te āhuatanga e puritia ana e taku reanga hei whēnakonakotanga o ngā kaupeka o mua, otirā ko te pou kotahi e tū tonu ana, ko ngā rākau e tipu haere tonu ana.

Nā ngā hurihanga ki te taiao tāone i mōhio ai mātou, ngā whare whakaapiapi, te hiahia kia whāiti ake ngā mea maha ake ki ngā wāhi pakupaku ake, kua noho aua wāhi kākāriki hei wāhi otaota papatahi noa iho.

He rawe te otaota, engari kāore e taea e koe te piki ki runga, kāore he hua i runga, ā, kāore he taumarumarutanga.

Kei te tū tonu ētahi ngahere tāone, otirā he whakamaharatanga o ngā manakohanga, mēnā ka hōmai anō ētahi wāhi iti nei.

Rakau, La‘au, Rākau – he kaipanoni.

Cherrilee Fuller

Tū Uru Kahikatea

Ehara ēnei rākau i te kahikatea, me he uru kahikatea te hanga o te pikitea. Ka whiri whiria te tupu o te uru kahikatea Kia pakari ai te rākau. He whakarite te kotahitanga o te tangata. Kia Aukatia te whakamahana o te ao.