Te Mataara o Whangarā
Nōku te waimarie i whai wāhi au ki te mahi tahi, ki te ako tahi ki ngā tamariki o Whangarā. Ko rātou ko ō rātou kaiako ēnei e tū pouwhenua ana, e tū poumoana ana, he kaiwhakaaraara mō tō rātou hapori, mō tō rātou pā kāinga, mō Whangarā.
Kei whakaaro ake te tangata he tamariki noa ēnei, he kūare ki ngā āhuatanga o te ao, e kao! E mārama pai ana rātou ki ngā pānga o te tangata ki te huringa āhuarangi, ki te āpōpō e haere mai nei inā ka kore tātou e aro ki taiao.
Koia nei Te Mataara o Whangarā, ko tēnei whakaaturanga tō rātou reo whakaaraara hei whakaoho i a tātou.
It was my privilege to work with and learn alongside the tamariki of Te Kura o Whangarā. They stand as guardians of the land and sea and their voices are raised to awaken the people of their home, Whangarā.
Don’t be fooled into thinking that they are just kids, ignorant to the ways of the world. They are wide awake to the impact we as people have on our changing climate and the effects it will have on our future if we don’t take action now.
They are vigilant, they are aware, this exhibition is their call to action so we can create a brighter future.